Дархан-Уул аймагт “Шарилжгүй Дархан” аяныг 2023.08.17-2023.09.01 хүртэл 14 хоногийн хугацаанд зохион байгуулж эхлээд байна.

Тэгвэл уг аяны хүрээнд  тус аймагт үйл ажиллагаа явуулдаг "Бүтээлч залуус нэмэх мөрөөдөл" ТББ-ын залуус жил бүр уламжлал болгон зохион байгуулдаг  "Нэг цүнх-Нэг шуудай шарилж аян"-ыг мөн эхлүүлжээ.

Залуус өнгөрсөн долоо хоногт Хараа голын эрэг дагуу ажиллаж, иргэд 100 шуудай хог, шарилжийг түүж өгч, 100 хүүхэд цүнхтэй болжээ.

Харин тэд энэ долоо хоногт Дархан-Уул аймгийнхаа төвд 100 шуудай шарилжийг 100 цүнхээр солихоор ажиллах аж.