Төв аймгийн Зуунмод сумын Зүүндэлгэр багийн цэцэрлэг энэ хичээлийн жилд хүүхэд хүлээж авах боломжгүй  болсон талаар тус аймгийн иргэд цахим хуудастаа бичжээ.

Тодруулбал, цэцэрлэгийн барилга насжилтаас шалтгаалж мөөгөнцөртөж хана нь нуралт үүсч, дээвэр нь хууларч, тааз нь цуурсан байна. Тиймээс энэ хичээлийн жилд  хүүхэд хүлээж авах боломжгүй болсон аж.

Харин энэхүү цэцэрлэгийн барилгад бүрэн засвар хийх шаардлагатай  болсон гэж  эцэг, эхчүүд нэгдэж удаа дараа хүсэлт гаргасан боловч  засварын ажилд шаардлагатай төсөв батлагдаагүй байгаа аж.

Бид энэ талаар холбогдох албанаас тодруулан хүргэх болно.