Өнгөрсөн ням гарагт 19 тулгуур унаснаас болж, Архангай, Өвөрхангай, Баянхонгор аймгийн 82 сум цахилгаангүй болсон. 

Мөн Булган аймгийн Гурванбулаг сумын Авзага багийн нутаг дэвсгэрт 2023 оны 06 сарын 25-ний өдрийн 15:44 минутад болсон хүчтэй салхи борооны улмаас Цахилгаан дамжуулах үндэсний сүлжээ ТӨХК-ний эзэмшлийн Булган аймгаас Хархорин чиглэлийн 100/110 квт-ын 463-487 хүртэлх 24 төмөр бетон тулгуурт гэмтэл гарсан.

Уг гэмтлийг засахаар "ЦДҮС" ТӨХК-ний 6 салбараас 150 гаруй албан хаагчид 30 гаран техник хэрэгсэлтэй гэмтлийг арилгах, унасан тулгуурыг цэвэрлэх ажлыг хийж гүйцэтгэж байна.