Өмнөговь аймгийн өсвөрийн сагсан бөмбөгийн “Өмнөговь” багийн дасгалжуулагч багш Б.Өлзийбатад тус аймгийн засаг дарга орон сууц бэлэглэхээр болжээ.

Б.Өлзийбат багшийн хичээллүүлж, дасгалжуулж байгаа баг тамирчид Австри улсыг зорих гэж байна. Өмнөговийн сагсан бөмбөгийн тамирчин хүүхдүүд олон улсын тэмцээнд анх удаа багаараа оролцох гэж байгаа нь энэ.

Тийм ч учраас сагсан бөмбөгийн спортыг хөгжүүлэхэд сэтгэл зүтгэлээ зориулж байгаа багшид ийнхүү орон сууцны асуудлыг нь шийдэж мөн тамирчин хүүхдүүдийн замын зардалд дэмжлэг үзүүлэхээр болжээ.