Хөвсгөл аймгийн Тариалан сумын Баянхошуу багийн “Жаргалантын-Ам” гэдэг газар /аймгийн төвөөс зүүн хойд зүгт 189 км, сумын төвөөс зүүн хойд зүгт 24 км/-т 8 зорчигчтой автомашин цасанд суужээ. Энэ тухай дуудлагыг энэ сарын 10-ны өдрийн 10:50 цагт Онцгой байдлын албанд хүлээн авсан байна.

Тус аймгийн Онцгой байдлын газрын Тариалан сум дахь Гал түймэр унтраах, аврах 46 дугаар ангийн алба хаагчдыг очиход Ө-ийн “УАЗ-220692” загварын автомашин 8 зорчигчтой /1 хүүхэд, 7 том хүн/ цасанд суусан байсныг 8 минут ажиллаж татан гаргажээ.