Сүхбаатар аймгийн цагдаагийн газраас “Зөрчил шалган шийдвэрлэх явцад учирч буй хүндрэл бэрхшээл, тулгамдсан асуудал” сэдэвт уулзалт, зөвлөгөөнийг энэ оны 11 дүгээр сарын 15-ны өдөр зохион байгууллаа.

Зөвлөгөөнд аймгийн Эрүүгийн хэргийн анхан шатны шүүх, Прокурорын газар, Цагдаагийн газрын ажил хариуцсан алба хаагч нар оролцож, Аймгийн эрүүгийн хэргийн анхан шатны шүүхийн ерөнхий шүүгч С.Насанбуян “Зөрчил шалган шийдвэрлэх ажиллагаанд шүүхээс тавих хяналт”, Прокурорын газрын хяналтын прокурор, хууль цаазын дэд зөвлөх Г.Манилцэцэг “Зөрчлийн хэрэг бүртгэлтийн ажиллагаанд хяналт тавих прокурорын хяналт”,  Замын цагдаагийн тасгийн дарга, цагдаагийн хошууч Б.Алтансүх “Хөдөлгөөний аюулгүй байдлын журмын эсрэг зөрчлийг шалган шийдвэрлэхэд гарч буй алдаа дутагдал”, Зөрчлийн хэрэг бүртгэх тасгийн дарга, цагдаагийн хошууч Ж.Итгэлт “Зөрчил шалган шийдвэрлэх явцад учирч буй хүндрэл бэрхшээл, тулгамдсан асуудал” сэдвээр илтгэл тавьж хэлэлцүүллээ.

Тус зөвлөгөөнөөс гаргасан шийдвэрүүдийг байгууллагууд хамтран хэрэгжүүлж ажиллах юм.