Бүлэг этгээдүүд малчин иргэний хоёр тооны адууг хулгайлан нядалжээ.

Тодруулбал, Цагдаагийн байгууллагад энэ оны 11 дүгээр сарын 8-ны өдрийн 14 цагийн орчимд Баянхонгор аймгийн нутаг дэвсгэрт “Сарын гэзэг гэх газраас хоёр адуугаа хулгайд алдсан” гэх дуудлага, мэдээлэл бүртгэгдсэн байна. 

Дуудлага, мэдээллийн дагуу тус аймаг дахь цагдаагийн газрын алба хаагчид шалгахад 36 настай эрэгтэй “Ц”-ийн хоёр тооны адууг 55 настай эрэгтэй “О”, 44 настай эрэгтэй “Ч” нар нь бүлэглэн хулгайлж нядалсныг шуурхай эрэн сурвалжилж илрүүлэн мөрдөн шалгах ажиллагааг үргэлжлүүлж байгаа аж.