Говь-Алтай аймагт өсвөр насны хүүхэд нас барсныг төрсөн эцэг эх нь нууж байсан хэргийг цагдаагийн байгууллага илрүүлсан байна.

Тодруулбал, 2022 оны 9-р сарын 1-ний өдөр тус аймгийн Есөнбулаг суманд оршин суух 11 настай хүү боомилж нас барсан байжээ. Гэвч хүүг нас барсан тухай түүний эцэг эх нь бусдад мэдэгдэлгүй нуусан байжээ.

Шалгалтаар хэргийн газраас эд мөрийн баримтаар талийгаачийн хоолойгоо боомилсон бүс зэргийг хураан авсан бөгөөд урьдчилсан байдлаар хүү өөрийнхөө амь насыг хохироосон байж болзошгүй  байгаа боловч үүний цаана гэр бүлийн дарамт, хүчирхийлэл байсан эсэхийг нягтлан шалгаж эхэлжээ.

Тус хэргийг Говь-Алтай аймаг дахь цагдаагийн газраас шалгаж байна.