МЭДЭГДЭЛ: Орхон үүлдрийн хонийг сурталчилсан үзүүлбэрийг мушгин гуйвуулахгүй байхыг хүсэв

2022 оны 7 сарын 08

Arslan.mn

Цахим сүлжээнд Сэлэнгэ аймгийн, Орхон сумын наадмын нээлтийн бичлэг цацагдаж, шүүмжлэлд өртөөд байна. Иймд тус сумын Засаг Даргын Тамгын Газраас мэдэгдэл гаргажээ.

Мэдэгдэлд:

Ардын хувьсгалын 100, 101 жилийн түүхэн хөгжлийн явцад МАА салбарын эрдэмтэн судлаачид, Орхон сумын малчдын  нөр их хөдөлмөрийн үр дүнд бий болсон оюуны бүтээл болох “Орхон” үүлдрийн хонины түүхт 60 жилийн ой тохиож байна.

Иймд Орхон нутгийн сүлд дууны хэсэгт нутгийн онцлогоо харуулан урлагаар дамжуулан  Монгол Улсын ууган үүлдэр болох зохиогчийн эрхийн 1 дугаарт гэрчилгээ эзэмшигч  нарийвтар ноост Орхон үүлдрийн хонийг сурталчлан харуулсан. Үүнийг мушгин гуйвуулж Орхон сумын түүх, нэр хүндэд халдахгүй байхыг хүсье" гэжээ.

Орхон үүлдрийн хонины үүсэл хөгжил:

Монгол Улсад нарийвтар ноост хонины үржлийн бааз бий болгох ажил Зөвлөлтийн мэргэжилтэн Г.Литовченкогийн удирдлага дор ахлах зоотехникч Т.Аюурзана, Ж.Рааш, Ш.Дашцэрэн нарын эрдэмтэн мэргэжилтнүүд ажилласнаар 1943-1947 он, 1947-1953 он, 1953-1961 он гэсэн 3 үе шаттайгаар 16 жилийн нөр их хөдөлмөрийн үр дүнд Монгол Улсын түүхэнд анх удаа нарийвтар ноост эх орны ууган үүлдэр Мах-ноосны чиглэлийн хонь бий болж 1961 оны 2-р сард”Орхон” нэртэйгээр батлагджээ. Орхон сум бол монгол улсад нарийн, нарийвтар ноост хонины анхны үүлдрийн хонь бий болсон нутаг юм.

Орхон хонь нь манай орны ойт хээрийн бүсэд бий болсон эрлийз хонь ашиг шим үүлдрийн чанараар бие даасан үүлдрийн шаардлагыг хангасан тул 1961 оны 3-р сард нарийвтар ноост Орхон үүлдэр болгон баталж зарласан түүхтэй.

Ашиг шимийн дундаж үзүүлэлт: Үржлийн хуцны амьдын жин 80-85 кг, ноосны гарц 6.5-8.0 кг, урт нь 10-12 см, эм хонины амьдын жин 58-62 кг, ноосны гарц 3.8-.4.0 кг, ноосны урт 8-10 см, ашиг шимийн дээд үзүүлэлт нь үржлийн хуц 102.2 кг, ноосны гарц 12 кг, ноосны урт 15 см, эм хонины амьдын жин 80.0 кг, ноосны гарц 7.0 кг ноосны урт нь 13 см хүрч, ноосны өтгөн, жигд, урт атираа, зунгаг зэрэг бусад үзүүлэлтүүд нь бүрэн хангалттай хонь юм.

Орхон хонийг бий болгоход оролцсон эрдэмтэн судлаачид, малчдын дундаас Монгол Улсын Гавьяат зоотехникч Т.Аюурзана, МУ-ын төрийн соёрхолт зоотехникч  Ж.Дашцэрэн, Ж.Рааш, БНМАУ-ын хөдөлмөрийн баатар хоньчин А.Хөх-Уул, С.Гончигбал, Т.Тэрбиш, улсын аварга малчин Ц.Адъяа, П.Хамбага, Т.Тунгалаг,  Т.Жигжиддорж, Ч.Раднаа, Г.Нямбуяндэлэг хурдан хяргагчдын улсын уралдааны аварга Т.Дүгэрсүрэн, мал аж ахуйн аварга мэргэжилтэн Д.Дагдан, н.Пүрэвсүрэн нарын алдартнууд төрөн гарсан түүхтэй.

Эх сурвалж: Сэлэнгэ аймгийн Орхон сумын ЗДТГ

Мэдээнд өгөх таны үнэлгээ?
Like an post Love an post
haha an post
6
wow an post
yay an post
sad an post
ouch an post
confuse an post
angry an post
638555
6 эможи

ИРГЭН
2022-07-09 16:40
УГ НЬ ХОНИО ХӨТЛӨӨД Л ОРОХГҮЙ
Зочин
2022-07-09 12:51
Өөрсдөө хонь болчихоод мөлхөж явааг хараад эдгээр хүмүүс хониноосоо ялгарах ухаангүй гайхалтай нөхдүүд байгааг биетээр харлаа.Сумын дарга нь Хуц болоод хонин дээрээ мордож яаж хээлтүүлдгийг харуулах байсан юм.Дутуудсан байна.Бас тэгээд мэдэгдэл гаргаж гэнээ.Болж байнаа,болж байна. Үнэн дүр төрхнөөсөө зайлж хаачих вээдээОрхон сумын удирдлагуудад ноосны татвар оногдуулах,эсвэл ноосоо тушаах шаардлагатай
BAT
2022-07-09 02:36
БҮГДЭЭРЭЭ САЙН УУ!!!!! Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, 91424323800802. имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар)
Зангараа
2022-07-08 19:44
Орхон үүлдэр устаж алга болоогүй л юм бол хонио смьдаар нь оролцуулах байсан. Засаг дарга сэтгэсэнгүй. Завших юман дээр толгой нь ажилладаг байж болохгүй засаг дарга нэртэй дээрэмчид ээ.
Chek
2022-07-08 16:36
Орхон үүлдрийн хонийг ийм гэж бодсонгүй чөтгөр шулмас гэж л бодлоо
Зочин
2022-07-08 14:45
Орхон хонь мах их.ноос ихийг мэднэ гэхдээ ингэж мөлхүүлэх нь утгагүй муухай харагдаж байна арай өөрөөр хийнж болоогүй юм уу.арай л биш ээ
keyboard_arrow_up