Улаанбаатар-Өлгий чиглэлийн тийзийн үнэ нэг талдаа 499-981 мянган төгрөг болсон асуудлаар ШӨХТГ-т ХАНДЛАА
Улаанбаатар-Өлгий-Улаанбаатар чиглэлд агаарын тээврийн үйлчилгээ үзүүлж байгаа "Аеромонголиа" компанийн тийзийн үнэ өндөр байгаа нь иргэдийн бухимдлыг төрүүлж байгаа.
Тодруулж хэлбэл, дээрх чиглэлийн тийзийн үнэ нэг талдаа 499-981 мянган төгрөг байна.
Уг асуудлаар Улсын Их Хурлын гишүүн Х.Баделхан, Т.Аубакир нар Шударга өрсөлдөөн, хэрэглэгчийн төлөө газрын дарга С.Мөнхчулуунтай уулзжээ.
Уулзалтын үеэр ШӨХТГ-ын дарга С.Мөнхчулуун үүсээд буй асуудлыг асуудлыг анхааралдаа аван ажиллаж буйгаа илэрхийлж, нислэгийн үнийн өсөлтийн талаар ойрын хугацаанд холбогдох арга хэмжээ авахаа мэдэгдсэн байна.
Түүнчлэн УИХ-ын гишүүд орон нутгийн нислэгийн үнийн өсөлтийг бууруулах талаар холбогдох яамдад хандаж байгаа ажээ.
Эх сурвалж: montsame.mn
|









