Өвөрхангай аймгийн Хархорин сум дахь сум дундын цагдаагийн хэлтсээс алба хаагчдынхаа эрүүл мэнд, чөлөөт цагийг зөв боловсон өнгөрүүлэхэд анхаарч, “Хаврын урь” хөгжөөнт тэмцээнийг зохион байгууллаа. 

Олс таталт, чарганы уралдаан, үндэсний бөхийн болон морин барилдаан, эмэгтэй сумо зэрэг төрлөөр баг, тамирчид өрсөлдөж, тэмцээний нийлбэр дүнгээр тэргүүн байрыг цагдаагийн хурандаа Г.Чимэддагва ахлагчтай баг эзэллээ. 

Дэд байранд цагдаагийн хошууч Б.Алтансүх ахлагчтай баг, гутгаар байранд цагдаагийн ахмад Э.Бямбацэрэн ахлагчтай баг, тамирчид тус тус шалгарч, өргөмжлөл мөнгөн шагналаар шагнууллаа.