Төрийн албаны зөвлөлийн Баян-Өлгий аймаг дахь салбар зөвлөлөөс төрийн албаны 37 цул орон тоонд сонгон шалгаруулалт зарлалаа.

Тодруулж хэлбэл, төрийн   захиргааны ахлах   түшмэлийн 7, дэс   түшмэлийн   албан тушаалын 15,   туслах  түшмэлийн  албан  тушаалын 8,  төрийн  үйлчилгээний байгууллагын төсвийн шууд захирагчийн албан тушаалын 7 ажлын байранд сонгон шалгаруулалт явуулна.

Сонирхсон иргэд дэлгэрэнгүй мэдээллийг аймгийн ЗДТГ-ын цахим хуудаснаас авах боломжтой аж.

Төрийн захиргааны албан тушаалын шалгалтын бүртгэлийг ирэх сарын 09-10-ны өдрүүдэд 08.00-16.00 цагийн хооронд /орон нутгийн цагаар/, төрийн   үйлчилгээний   байгууллагын   төсвийн   шууд   захирагчийн   албан   тушаалын шалгалтын бүртгэлийг  ирэх сарын 15-16-ны өдрүүдэд 08.00-16.00 цагийн хооронд цахимаар тус тус хийнэ.

Харин шалгалтыг гуравдугаар сарын 16, 17, 24-ний өдрүүдэд зохион байгуулах ажээ.