Мал хулгайлах гэмт хэрэгтэй тэмцэх, илрүүлэлтийг ахиулах, таслан зогсоох, урьдчилан сэргийлэх ажлыг эрчимжүүлэх зорилго бүхий "Мал мах-2021" нэгдсэн арга хэмжээ улсын хэмжээнд болж байна.

Энэ арга хэмжээний хүрээнд Цагдаагийн газраас хяналт шалгалтыг чангатган, урьдчилан сэргийлэх ажлыг эрчимжүүлэн ажиллаж байгаа юм.

Иймд малчид, мал бүхий иргэдийг малаа хараа хяналттай, тогтмол хариулга, маллагаатай байлгахыг Цагдаагийн байгууллагаас анхааруулж байна.

Хэрэв гарал үүслийн гэрчилгээгүй мал, мах тээвэрлэсэн, тууварласан тохиолдолд Зөрчлийн тухай хуулиар иргэнийг 150.000 төгрөгөөр, хуулийн этгээдийг 1.5 сая төгрөгөөр торгож арга хэмжээ авах болохыг анхаарна уу.