“Ховд баруун бүсийн хурд-2021” даншиг наадам өнгөрсөн амралтын өдрүүдэд болсон бөгөөд уралдааны үеэр 30 гаруй хүүхэд мориноос унаж, дөрвөн хүүхэд хүнд бэртжээ.

Энэ талаар Ховд аймгийн бүсийн оношилгоо, эмчилгээний төвийн даргаас тодруулахад “Даншиг наадмын үеэр манай эмнэлгийн эмч, сувилагчид хуваарийн дагуу ажилласан. Хурдан морины уралдааны үеэр 30 гаруй хүүхэд мориноос унаж, дөрвөн хүүхэд эмнэлгийн тусламж, үйлчилгээ авсан. Яг хэдэн хүүхэд мориноос унасан гэх тодорхой мэдээлэл алга байна. Надад ирсэн мэдээллээр зөвхөн их насны морины уралдаанд 30 гаруй хүүхэд унасан гэсэн.” хэмээлээ.