Орхон аймгийн Баян-Өндөр сумын Яргуйт багийн Хөтөл 28 дугаар гудамжинд нүхэн жорлонд хүн унасан тухай дуудлагыг өчигдөр Онцгой байдлын алба хүлээн авсан байна.

Дуудлагын дагуу тус аймгийн Онцгой байдлын газрын Эрэн хайх, аврах бүлгийн алба хаагчид 10.5 км замыг туулан 14:25 цагт очиход 3 метрийн гүнтэй нүхэн жорлонд 25 настай иргэн О согтууруулах ундаа хэрэглэсэн үедээ унасан байсныг 5 минут ажиллаж гаргаж, аймгийн Нэгдсэн эмнэлгийн ЯТТ-ийн их эмчид хүлээлгэн өгчээ.