Цар тахлын нөхцөл байдлын улмаас энэ жилийн улсын баяр наадмыг хойшлуулахаар Засгийн газраас шийдвэрлэсэн.  Аймгууд ч мөн энэ жил наадам, ойгоо хойшлуулж, батлагдсан төсвөө цар тахлын эсрэг зарцуулахаа мэдэгдээд буй. 

Тэгвэл Өмнөговь аймаг наадмын төсвөө PCR болон түргэвчилсэн шинжилгээг үнэ төлбөргүй авахад зарцуулахаа мэдэгджээ.

Энэ талаар аймгийн Засаг дарга Р.Сэддорж өчигдөр өөрийн цахим хуудсаараа дамжуулан баяр наадамд батлагдсан төсвийг коронавируст халдвар илрүүлэх PCR болон түргэвчилсэн шинжилгээг үнэ төлбөргүй авахад зарцуулахаар шийдвэрлэснээ мэдээлжээ.