Ховд аймагт халдварын батлагдсан тохиолдол 25-аар нэмэгдлээ
Ховд аймгийн Бүсийн оношилгоо эмчилгээний төвийн Вируслогийн салбар лаборатори 2021 оны 04 дүгээр сарын 04-ний 08:00 цагаас 04 дүгээр сарын 05-ны 08:00 цаг буюу 24 цагийн хооронд нийт 465 сорьцод PCR шинжилгээ хийжээ.
Энэ хугацаанд нийт халдварын тохиолдол 15-аар нэмэгдсэн бол энэ өглөө 09:00 цагт дахин 95 сорьцын шинжилгээний хариу гарч 10 тохиолдлоор нэмэгдэн өнөөдөр /2021.04.05-ны 09:00 цаг/-ийн байдлаар батлагдсан тохиолдол нийт 25-аар нэмэгдэж 78 болоод байна.
Сүүлд нэмэгдсэн халдварын ихэнх тохиолдлууд “Мөнгөн морьт” эмнэлгээс илэрчээ. Мөн Зэрэг суманд зөөвөрлөгдсөн /Халдвартын тасагт тээвэрлэн авч ирсэн/ нэг тохиолдлын ойрын хавьтагч 3 иргэнээс, БОЭТ-ийн Халдвартын тасагт хэвтэн эмчлүүлж буй халдвартай иргэдийн ойрын хавьтлаас буюу тусгаарлан ажиглах байранд байсан зарим иргэдээс илэрсэн байна.
БОЭТ-өөс өгсөн мэдээллээр 2 өвчтөний биеийн байдал хүнд, 1 өвчтөний биеийн байдал хүндэвтэр, бусад нь хөнгөн байна. Өнөөдрийн байдлаар аймгийн хэмжээнд 72 иргэн тусгаарлан ажиглах байранд, 353 иргэн гэрийн тусгаарлалтад байна.
![](https://www.arslan.mn/files/banner/l4el9pgasn.gif)
![Like an post](templates/img/comment/like.png)
![Love an post](templates/img/comment/love.png)
![haha an post](templates/img/comment/haha.png)
![wow an post](templates/img/comment/wow.png)
![yay an post](templates/img/comment/yay.png)
![sad an post](templates/img/comment/sad.png)
![ouch an post](templates/img/comment/ouch.png)
![confuse an post](templates/img/comment/confused.png)
![angry an post](templates/img/comment/angry.png)