Өчигдөр хөвсгөл аймагт дөрвөн удаагийн хүчтэй газар хөдлөлт бүртгэгджээ. 

Тодруулбал, Хөвсгөл аймгийн Ханх сумын Хороо багийн “Хачим” гэдэг газар өглөө 08:01 цагт 5.7 магнитудын хүчтэй газар хөдлөлт болсон бол 08:22 цагт Хөвсгөл аймгийн Ханх сумын Хороо багийн “Оёго” гэдэг газар 4.4 магнитудын хүчтэй газар хөдлөл болсон байна.

Түүнчлэн Хөвсгөл аймгийн Ханх сумын Хороо багийн “Хачим” гэдэг газар 14:42 цагт 3.6 магнитудын хүчтэй газар хөдлөлт болсон бөгөөд 15:24 цагт тус сумын “Адуун” гэдэг газар 3.6 магнитудын хүчтэй газар хөдлөлт болжээ.

Иргэдэд чичирхийлэл хүчтэй мэдрэгдсэн бөгөөд хохирол учраагүй тухай талаар аймгийн Онцгой байдлын газар мэдээлсэн байна.