Сэлэнгэ аймгийн Түшиг суманд коронавирусний халдварын дөрвөн тохиолдол нэмж бүртгэгдлээ.

3-р сарын 30-ны өдөр Түшиг суманд халдварын тохиолдол бүртгэгдснээс хойш 90 хүнээс түргэвчилсэн оношлуураар шинжилгээ авчээ. Тодруулбал эхэлж бүртгэгдсэн нэг тохиолдлын ойрын хавьтал болох 20, голомттой бүсээс ирсэн 52, өөрийн хүсэлтээр 18 иргэн шинжилгээ өгсөн байна. Эдгээр иргэдийн дөрөв нь вирусээр халдварласан нь батлагджээ. Сэлэнгэ аймаг өмнө нь 217 тохиолдлыг эмчилж эдгээсэн. Үүнээс хойш ийнхүү зургаан тохиолдол батлагдаад байна.

Сэлэнгэ аймгийн Онцгой комиссын зүгээс Түшиг суманд илэрсэн халдварын эх үүсвэрийг тогтоохоор хариу арга хэмжээний төлөвлөгөө боловсруулан ажиллаж байна. Мөн аймгийн Онцгой комиссоос томилогдсон тандалт шинжилгээний хоёр баг Түшиг суманд ажлаа үргэлжлүүлэн явуулж байна.