Баруун-Урт хотын жанжин Д.Сүхбаатарын талбайн баруун талд 16 давхар орчин үеийн өндөр барилга сүндэрлэхээр болжээ. “Genesis Capital” компанийн барьж буй энэхүү SUN CITY цамхагт дэлгүүр, оффис, ресторан хурлын танхим, тоглолтын дунд хэмжээний танхим, зочид буудал зэрэг худалдаа үйлчилгээний газар төвлөрсөн байх аж. Барилгын ажил энэ сараас эхэлсэн бөгөөд дараа жил гэхэд ашиглалтад оруулж, анхны үйлчлүүлэгчээ авахаар төлөвлөөд байгаа юм. Сүхбаатар аймаг ойрын жилүүдэд дахин 10 давхар барилга барихаар төлөвлөж байгаа бөгөөд 10 давхар үйлчилгээний төв байхаар төлөвлөж, зураг төслийн ажил эхэлжээ.