Булган аймгийн Ардчилсан намын Удирдах ажилтны зөвлөгөөн эхэллээ. Удирдах ажилтны зөвлөгөөнд АН-ын Ерөнхий нарийн бичгийн даргын үүрэг гүйцэтгэгч Л.Эрхэмбаяр, УИХ-ын гишүүн С.Одонтуяа, М.Батчимэг, Х.Тэмүүжин, Н.Батбаяр, АН-ын Улс төрийн бодлогын газрын дарга Д.Анхбаяр, Намын байгуулалтын газрын дарга Л.Уртнасан, Булган аймгийн АН-ын дарга, Засаг дарга Д.Эрдэнэбат болон сумдын АН-ын дарга, үүрийн дарга нар оролцож байна.

Зөвлөгөөний эхэнд АН-ын Улс төрийн бодлогын газрын дарга Д.Анхбаяр шинэчлэн батлагдсан Сонгуулийн хуулийн талаар намын анхан, дунд шатны удирдах ажилтнууд мэдээлэл өглөө. Мөн УИХ-ын гишүүн С.Одонтуяа УИХ дахь АН-ын бүлгийн болон УИХ, Байнгын хороодоор хэлэлцэж байгаа хуулийн төслүүдийн талаар мэдээлэл өгч, намын анхан дунд шатанд ажиллаж байгаа удирдлагуудын санал бодлыг сонссон юм.