“Тэмээн поло-2016” улсын аварга шалгаруулах тэмцээн Өмнөговь аймгийн Даланзадгад хотод өнөөдөр эхэллээ. Энэ удаагийн тэмцээнд долоон аймгийн 19 баг оролцож байгаа юм. Дундговь, Өмнөговь, Дорноговь, Говь-Алтай, Баянхонгор, Өвөр Монголын өөртөө засах орноос мөн тэмээчид иржээ.

Албан ёсны нээлтийн ажиллагаа өнөөдөр 14.00 цагт болно. Тэмээн пол улсын аварга шалгаруулах тэмцээний шагналын сан 11 сая төгрөг. Энэ жилийн хувьд зохион байгуулалт өндөр түвшинд болж байгаагаараа онцлог гэдгийг оролцогчид онцолж байлаа. Эрүүл мэнд спортын яам, Биеийн тамир спортын хөгжлийн төв, Монголын тэмээн полоны холбоо, Өмнөговь аймгийн Засаг даргын тамгын газар хамтран зохион байгуулж байгаа юм.