Төв аймгийн Зуунмод сумын тавдугаар дунд сургуульд солонгосын "Solid" боловсролын төвөөс ухаалаг самбар суурилуулав. Тус самбарын гол онцлог нь дижитал үзгээр самбарт бичих бөгөөд уламжлалт сургалттай хослуулж болох давуу талтай юм байна.  
Ухаалаг сургууль гэдэг нь бүх зүйлийг өөрчилж үнэтэй зүйлийг хэрэглэх ёстой гэж ойлгож болохгүй гэнэ. "Харин багшийн хичээл заах хялбар орчинг бүрдүүлэх нь чухал" хэмээн Solid боловсролын төвийн захирал Lee Michael хэлсэн юм.
Тус төвийн шинээр гаргасан тус самбарыг сурах бичиг, дижитал үзэг, ухаалаг ширээтэй хослуулж ямар нэг асуудалгүйгээр ажиллуулах боломжтой. Өөрөөр хэлбэл, хамгийн энгийн аргаар үр ашигтай орчинг бүрдүүлсэн гэв. Мөн тус самбарын бас нэг давуу тал нь өмнө нь бусад сургуульд суурилуулж байсан ухаалаг самбараас 2-3 дахин хямд өртөгтэй юм байна.