ӨнөөдөрБаян-Өлгий Аймгийн Залуучууд “Мөнгөн өвөл” өдөрлөгийг амжилттай зохион байгууллаа
Баян-Өлгий Аймгийн Залуучуудын Холбооноос санаачлан Аймгийн эрүүл мэндийн газар, Аймгийн биеийн тамир спортын газартай хамтран нийт албан байгууллага, ард иргэд, хүүхэд, залуучуудын чөлөөт цагийг зөв боловсон өнгөрүүлэх, өвлийн спортын төрлүүдээр хичээллэх сонирхол төрүүлэх зорилгоор “Мөнгөн өвөл” өдөрлөгийг амжилттай зохион байгууллаа.
Уг спорт өдөрлөгт оролцсон тамирчид нь тэшүүр, хоккей, мөсний сумо, загас агнуур, мөсний шагай, олс таталт гэсэн төрлүүдээр хурд хүч, авхаалж самбаагаа сорьж аваргуудаа тодруулсан байна. Мөн өдөрлөгт оролцсон байгууллагуудаас шилдгүүдээ тодруулж Баян-Өлгий аймаг дахь НИК ХХК “Спортлог хамт олон”-оор шалгарчээ.
Ийнхүү “Мөнгөн өвөл” спорт өдөрлөгт аймгийн удирдлагууд төрийн болон төрийн бус байгууллага, хувь хүмүүс, хүүхэд залуучууд олноор ирж мөсөн дээр явагдсан төрөл бүрийн уралдаан тэмцээнд идэвхтэй оролцож нэг өдрийг цэвэр агаарт үр бүтээлтэй өнгөрүүлсэн байна.
