Дорноговь шинэ сургуультай боллоо
Дундговь аймгийн төв Сайнцагаан суманд 960 суудалтай шинэ сургууль өчигдөр ашиглалтад орлоо. Аймгийн хэмжээнд ерөнхий боловсролын дөрвөн сургууль үйл ажиллагаа явуулж буй юм. Эдгээрээс “Эрдмийн далай” цогцолбор сургууль хамгийн ачаалалтай нь бөгөөд шинэ сургуульд шилжин ирэгсдийн дийлэнх нь “Эрдмийн далай” цогцолбор сургуулиас иржээ. Шинэ сургууль өдгөө 1-11 дүгээр ангийн 750 хүүхэд, 60 багш, ажиллагсадтай нэг ээлжээр хичээллэж байгаа. “Ийнхүү нэг ээлжээр хичээллэж байгаа нь БСШУЯ-аас хэрэгжүүлж буй хүүхэд нэг бүрийг хөгжүүлэх боломж, орчин нөхцөл бүрдэж байна” гэж сургуулийн захирал н.Энхбаяр нээлтийн үеэр онцолсон.
“Монкон” компанийн хоёр жилийн хугацаанд барьж ашиглалтад өгч буй сургууль нь БСШУЯ-ны санхүүжилтээр 4.4 тэрбум төгрөгийн өртөгөөр баригджээ. Энэ онд БСШУЯ-аас тус сургууль спорт заалыг барих санхүүжилтийг шийдэж өгөхөөр боллоо.