Дархан-Уул аймгийн хэмжээнд энэ онд ахмад настны нийгмийн хамгааллын тухай хуулийн дагуу олгогдож байгаа хөнгөлөлт тусламжийг 6769 ахмадад 635,9 сая төгрөг өгчээ. Тэгвэл Хөгжлийн бэрхшээлтэй иргэний нийгмийн хамгааллын тухай хуулийн дагуу олгогдож байгаа хөнгөлөлт, тусламжийг 511 иргэнд 174,6 сая, халамжийн тэтгэврийг 2115 хүнд 2.095,5 сая төгрөгийг тус тус нийгмийн халамжийн сангаас олгожээ. Мөн гэр оронгүй зорилтот бүлгийн иргэдэд гэр олгох нэг удаагийн тусламжийг нийт 245 иргэнд олгосон байна.