Шинэ сургууль ашиглалтанд орлоо
Сүхбаатар аймгийн боловсролын салбарын нэгэн томоохон барилгын албан ёсны нээлт өчигдөр боллоо. 3 жил хүлээгдсэн 4-р бүрэн дунд сургууль энэ хичээлийн жилд үйл ажиллагаагаа эхэлсэн. харин шинэ байрныхаа нээлтийг өчигдөр хийлээ. Баруун-Урт суманд 4 сургууль сургалт хүмүүжлийн үйл ажиллагаа явуулдаг. 4-р бүрэн дунд сургуулийн хувьд өөрийн гэсэн хичээлийн байргүй 3 жил болсон. Тэгвэл өнгөрсөн 10 сард шинэ сургуульдаа нүүн орж сургалт хүмүүжлийн ажлаа жигдрүүлэн ажилласан. Орчин үеийн шийдлээр баригдсан спорт урлагийн заалтай хүүхдийн сурах орчинг төгс бүрдүүлсэн 3 давхар 700 гаруй хүүхдийн багтаамжтай тус сургууль албан ёсоор нээлтээ хийлээ. Сургуулийн нээлтэнд УИХ-ын гишүүн М.Зоригт, Аймгийн ИТХ-ын дарга П.Мөнхжаргал, Аймгийн Засаг дарга Ж.Батсуурь Орлогч дарга Д.Хосбаяр, Боловсролын газрын дарга Л.Байгалмаа, Баруун-Урт сумын удирдлагууд тус сургуулийг барьж гүйцэтгэсэн "Сайн констракшн"-ны хамт олон захирал Мөнхзаяа боловсролын яамны төлөөлөл оролцон баяр хүргэж тууз хайчиллаа.