Улсын нэгдүгээр төв эмнэлэг болон Өвөр Монголын өөртөө засах орны Ардын эмнэлгийн хамтын ажиллагаа өргөжсөөр байна. 

Тодруулбал, Өвөр Монголын Өөртөө Засах Орны Ардын эмнэлгийн удирдлага, эмч, мэргэжилтнүүд 2026 оны 08 дугаар сарын 25-ны өдөр Улсын нэгдүгээр төв эмнэлэгт хүрэлцэн ирж, эмнэлгийн үйл ажиллагаа, тусламж үйлчилгээний зохион байгуулалттай танилцан, мэргэжлийн чиглэлээр харилцан туршлага солилцлоо.

Хамтын ажиллагааны хүрээнд Улсын нэгдүгээр төв эмнэлэг болон Өвөр Монголын Өөртөө Засах Орны Ардын эмнэлгийн эмч, мэргэжилтнүүд туршлага, мэдлэгээ хуваалцан ажилласны зэрэгцээ иргэдэд үе мөчний мэс засал, мэдрэлийн мэс засал, нүд, хэвлийн хөндийн мэс засал, цээжний хөндийн мэс засал болон мэдээгүйжүүлгийн чиглэлээр үнэ төлбөргүй үзлэг, зөвлөгөө өглөө.