• Монгол Улсын Хүний Эрхийн Үндэсний Комисс, Халдварт өвчин судлалын үндэсний төв хамтран “Нийгмийн эрүүл мэндийн ноцтой байдал үүсгэдэг халдварт өвчний цар тахал, дэгдэлтийн үеийн тусламж үйлчилгээг хүний эрхийн хандлагад нийцүүлэн үзүүлэх нь” сэдэвт сургалтыг аймаг, орон нутагт зохион байгуулж байна.

• Эхний сургалтыг 2025 оны 09 сарын 15-аас 09 сарын 18-ны өдрүүдэд Дорнод аймгийн Засаг даргын тамгын газар, Эрүүл мэндийн газар, Аймгийн онцгой комисс хамтран амжилттай зохион байгууллаа.

• Дорнод аймгийн Иргэдийн төлөөлөгчийн хурал, Засаг даргын тамгын газар, Эрүүл мэндийн газар, Аймгийн онцгой комиссын бүрэлдэхүүн болон тус аймгийн хөдөөгийн 13 сумын Онцгой коммиссын дарга, бүрэлдэхүүн зэрэг 70 орчим хүн хамрагдлаа.

• Тус сургалтад аймгийн Онцгой комиссын гишүүд болон сумдын Онцгой комиссын дарга, гишүүд оролцож, Аймгийн засаг даргын орлогч Ч.Ганбат нээж үг хэлсэнбөгөөд нийгмийн эрүүл мэндийн ноцтой байдал үүссэн үед хүний эрхийг хүндэтгэх, хамгаалах хариу арга хэмжээг хэрхэн зохион байгуулах талаар мэдлэг, мэдээллээ нэмэгдүүлэх нь чухал болохыг онцлон тэмдэглэсэн байна.

• Коронавирүст халдвар (КОВИД-19) цартахлын үеийн хүний эрх, эрх чөлөөний сургамжид үндэслэн ХЭҮК-ын Орон нутаг хариуцсан хэлтэсийн референт, ХӨСҮТ-ийн сургагч багш нар танхим болон цахимаар хичээл зааж, дадлага удирдан явууллаа.