УХТЭ: “СЭТГЭЦИЙН ЭРҮҮЛ МЭНДИЙН ДЭЛХИЙН ӨДӨР”-ийн хүрээнд сургалт зохион байгууллаа

2025 оны 10 сарын 10

Arslan.mn

“Сэтгэцийн эрүүл мэндийн дэлхийн өдөр” нь хүний сэтгэцийн сайн сайхан байдлыг дэмжих, сэтгэцийн эрүүл мэндийн талаарх олон нийтийн мэдлэг, ойлголтыг нэмэгдүүлэх зорилготой өдөр юм. Сэтгэцийн эрүүл мэнд нь хүний сэтгэн бодох, мэдрэх, шийдвэр гаргах, бусадтай харилцах, стрессийг даван туулах зэрэг өдөр тутмын бүхий л үйл ажиллагаанд шууд нөлөөлдөг, эрүүл мэндийн салшгүй хэсэг.

Энэхүү өдрийг тохиолдуулан Улсын хоёрдугаар төв эмнэлэг нь эмч, сувилахуйн мэргэжилтнүүдийн дунд “АЖЛЫН БАЙРАН ДАХЬ СЭТГЭЛ ЗҮЙН ЭРҮҮЛ МЭНД” сэдэвт үе шаттай сургалтыг эхлүүллээ. Сургалтыг “Optimal nmax” байгууллагын сэтгэл судлаачидтай хамтран зохион байгуулж байгаа бөгөөд уг сургалтын зорилго нь ажилтнуудын ажлын байран дахь стрессийг бууруулах, сэтгэлзүйн тэнцвэрийг хадгалах, харилцаа хандлагыг сайжруулахад чиглэж байна.