Эрүүл мэндийн салбарын ажилчдын “Зөв шинэчлэлийн төлөө” жагсаал Сүхбаатарын талбайд болж байна. Монголын эрүүл мэндийн ажилтны үйлдвэрчний эвлэлийн хорооноос уг жагсаалыг зохион байгуулав.

 Тэд өнөөдөр 21 аймаг, сумдад нэгэн зэрэг жагсаж, өрх, сумдын эмнэлгээс авахуулаад аймаг, дүүрэг, улсын төв болон тусгай мэргэжлийн эмнэлгүүдийн 10,000 гаруй эмч, ажилчид оролцож, цалингаа 3.5 сая төгрөг хүргэхийг шаардлаа.

Монгол хүний эрүүл мэндийг сахин хамгаалдаг эмч, сувилагч, асрагч, ажилтнууд үнэхээр хүнд нөхцөлд ажиллаж байна. “Засгийн газар, УИХ-ын гишүүд, салбарын сайд онцгой анхаарал харуулахыг шаардаж байна” хэмээн эмч нарын жагсаалд оролцогчид хэлж байна.