ХӨСҮТ-ийн ТУТ-ын багийн хурлыг ДЭМБ, НҮБ-ын Хүүхдийн сантай хамтран өргөтгөн хийлээ

ХӨСҮТ-ийн ТУТ-ын багийн хурлыг ДЭМБ, НҮБ-ын Хүүхдийн сантай хамтран өргөтгөн хийлээ. Өргөтгөсөн хуралд ДЭМБ-ын Монгол дах Суурин төлөөлөгчийн газрын Өвчний хяналтын хөтөлбөрийн ахлагч Шалала Ахмадова, Эрүүл мэндийн онцгой байдлын хөтөлбөрийн ахлагч Агуэдо Трой Хэптэ, НҮБ-ын Хүүхдийн сангийн зөвлөх Д.Нарангэрэл болон бусад мэргэжилтнүүд байлцав. Хурлаар улаанбурхан өвчний нөхцөл байдал, цаашдын хандлага, өвчлөлийн прогноз, нөхөн дархлаажуулалтын явц, хавьтлын тандалтын талаар санал солилцов.

Мөн ХӨСҮТ-ийн Ерөнхий захирал С.Энхболд Монгол дах НҮБ-ын Хүүхдийн сан болон ДЭМБ-ын суурин төлөөлөгчийн газрынханд дэмжлэг үзүүлэн хамтарч ажиллаж байгаад талархаад, цаашид хамтран ажиллах тухайлбал эрсдэлийн харилцаа холбоо болон бусад чиглэлд санал солилцон, 15 хүртэлх насны хүүхдүүдийн нөхөн дархлаажуулалтын хамралт 50,0%-д хүрсэн тухай болон баяр наадмын амралтын хоногуудад ажиллах хуваарь, эмнэлгийн бэлэн байдал, нөөц, эмнэлгийн тусламж, эм, урвалжийн бэлэн байдал, хуваарийн дагуу ажиллах талаар анхааруулж хэллээ.