Эрүүл мэндийн ажилтны нийгмийн хамгааллын дэмжих сар “Эрүүл мэндийн салбарын ажилтны өдөр”-ийг тохиолдуулан өнөөдөр ЭМЯ-ны Төрийн нарийн бичгийн дарга Д.Очирбат нарын албан хүмүүс ХӨСҮТ-д ажиллаж, эмч, эмнэлгийн мэргэжилтнүүдтэй уулзалт хийлээ. Энэ хүрээнд ХӨСҮТ-ийн Ерөнхий захирал С.Энхболд удирдлагын баг, эмч нарын хамт үйл ажиллагааны талаарх танилцуулга мэдээлэл хийлээ.

Мөн энэ үеэр  баярын мэндчилгээг тус төвийн нийт эмч, эмнэлгийн мэргэжилтнүүдэд дэвшүүлж, хүн амын эрүүл мэндийг сахин хамгаалах үйлсэд олон жил үр бүтээлтэй, идэвхи санаачилгатай ажилласан шилдэг ажилтнуудыг шагнаж урамшуулсан юм.

“Эрүүл мэндийн салбарын ажилтны өдөр”-ийг тохиолдуулан хөдөлмөр зүтгэлээ үнэлүүлж, салбарын нэр хүндтэй шагналаар шагнуулсан эмч, эмнэлгийн мэргэжилтнүүддээ баяр хүргэе.