Хот, суурины ус хангамж, ариутгах татуулгын ашиглалт, үйлчилгээг зохицуулах хорооноос “Ус хангамж, ариутгах татуургын дундын эзэмшлийн шугам сүлжээний засвар, үйлчилгээнд тулгарч буй асуудал, шийдвэрлэх арга зам” сэдэвт туршлага солилцох зөвлөлдөх уулзалт болсон. 

Энэ үеэр ОСНААУГ-ын ХҮТ-12-ын ахлах инженер С.Бум-Аюуш "Хэт төвлөрөл бол нэг талаараа маш дутагдалтай. Өвлийн хүйтэнд газраа ухахгүйн тулд зуны улиралд халуун ус хааж, засвар үйлчилгээг хийдэг. 

Иргэдэд халуун ус хүрэх хүртэл маш их ажилчид ажилладаг. Гэтэл сүүлийн жилүүдэд боловсон хүчний дутагдал маш их болсон. Энэ жил ШУТИС-ийг энэ чиглэлээр есөн хүн төгсөж, дипломоо авч байна. Хүүхдүүд яагаад инженер гэх мэргэжлийг сонгохыг хүсэхгүй байгаа вэ гэхээр гараад ажлын байранд очиход цалин нь амьдралд нь хүрэхгүй байна. Тиймээс энэ мэргэжлийг сонгох хүн олдохгүй байна." гэдгийг онцолж байсан юм.