Хавдар судлалын үндэсний төвд 2018 оноос элэгний хорт хавдартай өвчтөнд амьд донороос элэг шилжүүлэх мэс заслыг нутагшуулж эхэлсэн. Энэ оны байдлаар 180 удаа элэг шилжүүлэн суулгажээ.

Тус эмнэлгийн эрхтэн шилжүүлэн суулгах багийнхан 2024 оноос элэг шилжүүлэн суулгах мэс засалд донорын баруун элгийг дурангийн аргаар тайрах технологийг нутагшуулахаар бэлтгэж эхэлсэн. Өчигдөр анхны хагалгаагаа амжилттай хийгээд байна.

Тэгвэл ирэх наймдугаар сараас роботоор мэс засал хийхээр бэлдэж эхэлсэн байна.

Энэ талаар ХСҮТ-ийн гүйцэтгэх захирал Н.Эрдэнэхүү онцлов.