Налайх дүүрэгт Менингококкт халдварын нэг тохиолдол бүртгэгдсэн. Уг өвчний нөхцөл байдлын талаар ХӨСҮТ-өөс мэдээлэл хийх үеэрээ уг өвчнөөр өвдсөн хүү эндсэнийг мэдэгдэв.

Энэ үеэр хүүхдийн биеийн байдал маш хүнд байдалтай ХӨСҮТ-д хүргэгдсэн. Харамсалтай нь өнөөдөр хүүгийн бие хүндэрч, үдээс өмнө эндлээ гэв.

Өнгөрсөн онд менингококкт халдварын таван сэжигтэй тохиолдол бүртгэгдэж, үүнээс лабораторийн шинжилгээгээр хоёр тохиолдол батлагдсан бөгөөд хоёр хүүхэд эдгэрсэн байна. 

Уг өвчнөөс урьдчилан сэргийлэх дараах зөвлөмжийг хүргэж байна.

Илрэх шинж тэмдэг:

• Гэнэт өндөр халуурах
• Бөөлжих
• Ядарч сульдах
• Хурц гэрэл, дуу чимээнд эгдүүцэх
• Цусархаг тууралт гарах
• Толгой, үе мөчөөр хүчтэй өвдөх
• Хоолонд дургүй болох

Урьдчилан сэргийлэх аргууд:

• Хамар хоолойн цочмог болон архаг үрэвслийг эмчлэх
• Өглөө бүр нүүр гараа угааж, сармис, нимбэг, чацарганын шүүс хэрэглэх
• Өвдөхөөс сэргийлж, өрөөг агааржуулах
• Өдөр бүр гараа тогтмол угаах
• Дархлаа дэмжих витаминтай хоол хүнс хэрэглэх
• Улиралдаа тохируулан дулаан хувцаслах
• Маск зүүж, гараа тогтмол халдваргүйжүүлэх