Налайх дүүрэгт менингококкт халдварын нэг тохиолдол нэгдүгээр сарын 29-нд бүртгэгдсэн. 

Тэгвэл УНТЭ-ийн Нийгмийн эрүүл мэндийн мэргэжилтэн Д.Гандулам дараах зөвлөгөө мэдээллийг өглөө.

Тэрбээр " МЕНИНГОКОККТ ХАЛДВАР нянгаар үүсгэгддэг бөгөөд халдвар авсан хүнд эмнэл зүйн шинж тэмдэг 24 цагийн дотор хурдан илэрч эмчилгээ хожимдвол хурдан хүндэрдэг.

Илрэх шинж тэмдгүүд:

• 38-42 хэм хүртэл өндөр халуурах
• Бөөлжих
• Толгой өвдөх
• Нойрмоглох
• Цусархаг тууралт гарах /өвчин эхэлснээс 12 цагийн дотор хөл, гуянаас эхлэн доороос дээшээ чиглэлд ТУУРАЛТ гардаг/
• Гэрэлд цочимтгой болох
• Дагз хөших Таталт өгөх

Иймд иргэд та бүхэн хувийн ариун цэврийг сахиж гараа угааж, маск зүүх, өндөр халуурсан, биеэр тууралт гарсан тохиолдолд яаралтай эрүүл мэндийн төвд хандахыг зөвлөж байна." гэв.