Нийт хавдрын 20% нь гадна орчны бохирдлын нөлөөнөөс болж үүсэж байна гэдгийг  ХСҮТ-ийн захирал Н.Эрдэнэхүү хэлэв.

Тэрбээр "Өнгөрсөн хугацаанд агаарын бохирдол буурсангүй. Хавдрын өвчлөл, амьсгалын замын өвчин ч, ургийн эндэгдэл ч буурсангүй. Энэ асуудал бол агаарын бохирдолтой холбоотой үүсэх магадлал маш өндөр байдаг.

Дахиж зуух тавиад агаарын бохирдол буурна гэдэгт итгэхгүй байна. Өнгөрсөн хугацаанд энэ төр засаг эрдэмтдээ сонсоогүй, зүгээр улс төрийн шийдвэр л гаргадаг байсан. Тиймээс ч утаа ингэж үргэлжилж байгаа.

90-д оноос хойш бид наймаачид болж хувирсан. Сүүлд эндээс хараад байхад Монголчууд "юм бүтээе" гэхээсээ илүү "эндээс яаж ашиг унагах вэ" гэдэг сэтгэлгээтэй болж өөрчлөгдсөн. Энэ сэтгэлгээ явсаар байгаад агаарын бохирдлын өнөөгийн нөхцөл байдалд хүргэчихэв үү гэж хардаг. Утаанаас илүү бид бүгд наймаачид болж хувирч байгаа нь эмгэнэл болчихоод байна." гэв.

Мэдээллийг Bloomberegtv.mn шууд дамжуулан хүргэв.

Н.Эрдэнэхүү: Монголчууд "юм бүтээе" гэхээсээ илүү "эндээс яаж ашиг унагах вэ" гэдэг сэтгэлгээтэй болж өөрчлөгдсөн. Энэ сэтгэлгээ явсаар байгаад агаарын бохирдлын өнөөгийн нөхцөл байдалд хүргэчихэв үү гэж хардаг pic.twitter.com/f4oPeAG74K— Bloomberg TV Mongolia (@BloombergTVM) December 13, 2024