Өчигдөр нийслэлийн хэмжээнд хамгийн их дуудлага хүлээн авсан өдөр болжээ.

Тодруулбал, 2024.12.15-ны өдрийн 08:00 цагаас 16-ны өдрийн 08:00 цаг хүртэл Нийслэлийн 6 дүүргийн хэмжээнд нийт 2138 дуудлагад үйлчилсэн нь хамгийн их дуудлагатай өдөр байжээ. Энэ нь өмнөх жилийн энэ өдөртэй харьцуулахад 69,8%-иар өссөн үзүүлэлттэй байна.

Иргэдэд түргэн тусламжийн үйлчилгээг газар дээр нь болон эмнэлэгт хүртэл түргэн шуурхай хүргэн 24 цагаар тасралтгүй ажиллаж байгаа эмч, жолооч, оператор, ахлах эмч нартаа баярлалаа гэв.

Иргэд та бүхэн өвчлөлөөс урьдчилан сэргийлж эрүүл мэндээ хамгаалаарай.

Мөн түргэн тусламжийн автомашинд зам тавьж өгөн замын хөдөлгөөндөө соёлтой оролцохыг уриалж байна.