ХӨСҮТ-өөс томуу, томуу төст өвчлөлийн нөхцөл байдлын талаар мэдээлэл өглөө. 

ХӨСҮТ-ийн Томуугийн үндэсний нэгжийн тархвар судлаач Д.Оюунгэрэл "Дэлхийн бөмбөрцгийн хойд талын улс орнуудад өвлийн хүйтний улиралд H1N1 томуугийн вирус давамгайлан дэлгэрдэг. Монгол Улсын хувьд томуугийн вирусийн дэгдэлт алаг цоог, зарим газруудаар идэвхжилийн гуравдугаар түвшинд хүрээд байна.

Аймгуудын хувьд зургаан аймагт идэвхжилийн хоёрдугаар түвшин, 12 аймагт алаг цоог, гурван аймагт, тухайлбал, Дархан-Уул, Өмнөговь, Сүхбаатар аймгийн хэмжээний буюу томуугийн вирус нэлээн өргөн хүрээнд дэгдээд байна." гэв.