Анхан шатны талбарын тархвар судлалын сургалт нь нийгмийн эрүүл мэндийн тандалт, шуурхай хариу арга хэмжээний салшгүй хэсэг болон бэхжиж, эрүүл мэнд, нийгмийн эрүүл мэндийн ноцтой байдлын үед учрах аюулыг тандах, хариу арга хэмжээ авах, хянах гол чадавхи болсон хүний нөөцийг бэлтгэх, чадавхжуулах зорилготой юм.

Энэ удаагийн сургалт нь Монгол Улсын цар тахлын сангийн санхүүжилтээр зохион байгуулагдаж буй үйл ажиллагаа гэдгээрээ онцлогтой.

Тус сургалт нь 2 сарын хугацаанд үргэлжлэх ба танхимын сургалт болон ажлын байран дээрх дадлага ажил хийж үр дүнг танилцуулна.

Энэхүү сургалтад ЗӨСҮТ, ГССҮТ, ОБЕГ, ГЕГ, ХХЕГ, УМЭАЦТЛ, Нийслэлийн Амгалан амаржих газар болон Хэнтий, Дундговь, Өмнөговь, Төв, Дорноговь, Говьсүмбэр, Сүхбаатар, Дорнод аймгийн ЭМГ-ын 15 тархвар судлаач, эмч, мэргэжилтнүүд хамрагдаж байна.