Анагаахын Шинжлэх Ухааны Үндэсний Их Сургуулийн Эрдмийн Зөвлөлийн хуралдаан 2024 оны 04 дүгээр сарын 04-ний өдөр зохион байгуулагдлаа.

Эрдмийн Зөвлөлийн энэ удаагийн хуралдаанаар ЭМЯ-ны захиалгат болон БШУЯ-ны ШУТС-ийн санхүүжилтээр хэрэгжүүлсэн АУ-ны доктор, профессор С.Цогтсайхан удирдагчтай "Коронавирүст халдварын эсрэг вакцины дараах дархлаа тогтцын судалгаа", АУ-ны доктор, дэд профессор П.Молор-Эрдэнэ удирдагчтай "Уламжлалт анагаах ухааны нийлмэл эмийн жорд тулгуурлан чихрийн шижингийн эмчилгээнд хэрэглэх, хүндрэлээс сэргийлэх шинэ бэлдмэл гарган авах", АУ-ны доктор, дэд профессор Л.Энхсайхан удирдагчтай "Харшлын эмчилгээнд CPG ДНХ хэрэглэн үр дүнг тооцох судалгаа" зэрэг төслүүдийг амжилттай хэлэлцэн эцсийн тайланг хүлээлгэн өгөхийг төслийн удирдагч нарт үүрэг болголоо.