Улсын Хоёрдугаар Төв эмнэлгээс та бүхэнд зориулан цуврал видео зөвлөмжийг хүргэж байгаа билээ. Тэгвэл энэ удаа тус эмнэлгийн Мэс заслын тасгийн Ерөнхий эмч Б.Ган-Эрдэнэтэй ярилцаж, элэгний хорт хавдрын талаар тодрууллаа. 

Тэрээр "Монгол Улсад элэгний В, С вирусийн гаралтай элэгний хавдрын өвчлөл их байна. Элэгний В, С вирусийн үндсэн шалтгаан нь буцалгадаг тариур хэрэглэж байсан үе, ариун цэврийн шаардлага хангаагүй эмнэлэг, гоо сайхны газраар үйлчлүүлж, шүдээ янзлуулах, шивээс, гоо сайхны мэс ажилбар хийлгэх зэргээс үүдэж байна. 

Элэгний хавдрын 80 орчим хувь нь В, С вирусийн гаралтай байна гэж үздэг. Удамшдаггүй өвчин. 

Элэг нь дүлий эрхтэн учраас шинж тэмдэг илэрдэггүй. Гэдэс дүүрэх, цанхайх, ядарч сульдах зэрэг шинж тэмдгээр л илэрдэг. 

Элэгний хавдрыг эрт үедээ оношлуулвал эмчлэгдэх боломж өндөр. 

Урьдчилан сэргийлэхийн тулд В, С вирусийн халдвар авахгүй байх, хооллолтоо анхаарч, хорт зуршлаас хол байх хэрэгтэй. 

В вирусийн эсрэг вакцин байдаг. С вирусийн халдварыг эмийн эмчилгээгээр эмчилж болдог." хэмээлээ. 

ВИДЕО: