С.Янжмаа: Хөдөлгөөний хомсдол, таргалалттай хүмүүс “чихрийн шижин“ өвчинд хамгийн их өртдөг
"Хөдөлгөөний хомсдолтой холбоотойгоор илүүдэл жинтэй болон таргалалттай хүмүүс чихрийн шижин өвчинд хамгийн их өртөнө"
Сүүлийн жилүүдэд чихрийн шижин өвчний талаар их яригдах болсон. Тухайн өвчин нь мөн олон өвчний үндэс болдог аж. Бид энэ талаар УНТЭ-ийн Дотоод шүүрэл судлал, диабеmийн тасгийн эрхлэгч С.Янжмаагаас тодрууллаа.
Чихрийн шижин гэдэг нь цусанд глюкоз ихэссэнтэй холбоотой их шээх, их уух, байнга ам цангах, ядарч сульдах, арьс хуурайших, турах, жингээ алдах, халдварт өртөмтгий болох, нүдний хараа муудах зэрэг дараах шинж тэмдгээр илэрдэг өвчин юм.
Дэлхий дээр 2021 оны байдлаар нийт 540 мянган хүн чихрийн шижинтэй байгаа бөгөөд 2030 он гэхэд энэ тоо 643 саяд хүрнэ гэсэн тооцоолол бий. Харин Монгол Улсад 2023 оны байдлаар 2-р хэлбэрийн чихрийн шижингийн тархалт 10 хувь, 30-аас дээш насны хүмүүсийн 9.8 хувийг чихрийн шижингийн урьтал өвчин эзэлж байна.
30-аас дээш насны 10 хүн тутмын нэг нь чихрийн шинжинтэй байгаа гэсэн судалгаа гарсан.
Дэлхий дээр чихрийн шинжтэй 2 хүн тутмын нэг нь буюу 240 сая хүн оношлогдож чадаагүй гэсэн тоо үзүүлэлт байна.
Чихрийн шинжтэй өвчтөн өөрийн хяналтаа сайжруулан өдөр тутамдаа сахараа зөв хянаж явснаар амьдралын чанар сайжрах, мөн хожим үед гарах чихрийн шижингийн хүндрэлээс сэргийлэх боломжтой.
Хөдөлгөөний хомсдолтой холбоотойгоор таргалалттай хүмүүс чихрийн шижин өвчинд хамгийн их өртөнө.
Чихрийн шижин бол дотроо олон төрөлтэй. Үүнээс 2-р хэлбэрийн чихрийн шижингээс урьдчилан сэргийлэх боломжтой. Чихрийн шижин 2-р хэлбэрийн хэв шинж нь амьдралын буруу хэв маяг, буруу хооллолт, хөдөлгөөний хомсдолоос үүсдэг учир үүнийг засахгүйгээр хэчнээн эм уусан ч үр дүн гарахгүй. Тиймээс зөв хооллолт, хөдөлгөөн нь эмтэйгээ дүйцэхүйц эмчилгээний арга юм. Өөрөөр хэлбэл, илүү жингээ хэвийн жин дээр барснаар чихрийн шижингээс сэргийлэх боломжтой" хэмээлээ.
![](https://www.arslan.mn/files/banner/4gckvvmc1p.gif)
![Like an post](templates/img/comment/like.png)
![Love an post](templates/img/comment/love.png)
![haha an post](templates/img/comment/haha.png)
![wow an post](templates/img/comment/wow.png)
![yay an post](templates/img/comment/yay.png)
![sad an post](templates/img/comment/sad.png)
![ouch an post](templates/img/comment/ouch.png)
![confuse an post](templates/img/comment/confused.png)
![angry an post](templates/img/comment/angry.png)