Томуу, томуу төст өвчний нөхцөл байдлын талаар ЭМЯ-наас мэдээлэл өглөө. Томуугийн халдвар идэвхжиж байгаа тул өрх, дүүргийн эмнэлгүүд уртасгасан цагаар ажиллаж эхэлсэн.

Дүүргийн хүүхдийн эрүүл мэндийн кабенитууд ажлын өдөр 17-21 цаг, бямба гарагт 12-18 цаг хүртэл уртасгасан цагаар ажиллаж байна. Өрхийн эмнэлгүүд ажлын өдөр 20.00 цаг хүртэл, ням гарагт 10-15 цаг хүртэл ажиллаж байна.

Иймд эцэг эхчүүд шууд эмнэлгийн яаралтай хүлээн авах дээр хүүхдээ дагуулж, 103 дуудахаасаа илүү ойр байгаа буюу ачаалал багатай өрхийн болон дүүргийн эрүүл мэндийн төвдөө хандахыг эрүүл мэндийн байгууллагынхан зөвлөв.  

ЭХЭМҮТ-ийн эмчилгээ эрхэлсэн дэд захирал Т.Болормаа "ЭХЭМҮТ-ийн хүүхдийн эмнэлгийн зөвлөх эмч нар дүүргүүдийн эмнэлэгт ажиллаж байна. ХӨСҮТ-ийн томуугийн мэдээллээр А томуу идэвхтэй тархаж байна. Манай ЭХЭМҮТ-ийн хүүхдийн зөвлөх эмч нар дарах зөвөлгөөг эцэг эхчүүдэд хүргэж байна.

Нярайн аминд аюултай шинжүүд илэрч байгаа тул эмчдээ хоёр хоног тутам үзүүлэх. Мөн ковидын үеийн халдвар хамгааллын дэглэмийг сайтар сахих хэрэгтэй. 

Хүүхдийн дархлаа их онцлогтой учраас сайн унтуулж, хооллон хэт дааруулж, халууцуулахгүй байх зөвлөмжийг дагах шаардлагатай. 

Мөн танай хүүхэд ханиадны шинж чанартай бол цэцэрлэг, сургуульд нь явуулахгүйгээр гэрт нь эмчилгээг нь хийж дааруулахгүй, сайн хооллож амраахыг эцэг эхчүүдэд зөвлөж байна" гэв.