ЭХЭМҮТ-ийн Яармаг дахь салбарт 0-2 насны 17 хүүхдэд тариа хийхэд бөөлжих, таталт өгөх зэргээр хүчтэй хариу урвал үзүүлсэн.

Энэ талаар тухайн өдөр /2023.11.24/ Эрүүл мэндийн яам “Тариа андуурч хийсэн зүйл байхгүй. Сувилагч нь шөнийн 00.00 цагийн тариагаа хийхдээ өмнө нь бүгдийг нь тариурт соруулж тавиад хийснээс болж хүүхдүүд реакци өгсөн байна” гэсэн тайлбарыг өгсөн.

Тэгвэл 17 хүүхдийн биеийн байдлын талаар Эрүүл мэндийн яамнаас тодруулахад “17 хүүхдийн 10 нь эмнэлгээс гарсан. Нэг нь зүрхний хэрэх гэж хавсарсан өвчтэй байсан тул Эх нялхас руу шилжүүлсэн. Бусдынх нь эмчилгээ дуусаагүй байгаа гэсэн мэдээллийг эмнэлгээс нь өгч байна” гэсэн юм.