Томуугийн тархалт 0-3 насныхны дунд их тохиолдож байгааг Эрүүл мэндийн яамнаас томуу, томуу төст өвчний талаар мэдээлэл хийх үеэр онцоллоо.

ХӨСҮТ-ийн Дэд захирал Ц.Чинбаяр "Хүүхэд нь өндөр халуурч байгаа тохиолдолд заавал эмчийн зөвлөгөөний дагуу асаргаа сувилгаа, эмчилгээг хийх хэрэгтэй. Өнөөдөр ХӨСҮТ-д 198 хүүхэд томуу, томуу төст өвчний улмаас хэвтэн эмчлүүлж байна. Эдгээрээс 20 орчим хүүхэд нь уушгины хатгаагаар хүндэрсэн.

Мөн өнөөдрийн байдлаар ХӨСҮТ-ийн Эрчимт эмчилгээний тасагт есөн хүүхэд уушгины хатгаа, амьсгалын дутагдал, амьсгалын замын бачуурал оноштойгоор хэвтэн эмчлэгдэж байна.

0-4 насныханд:

• Богино хугацаанд өндөр халуурах
• Ханиалгах
• Хоолой бачуурах
• Уушги гэмтсэн тохиолдолд амьсгаадах, амьсгалын дутагдлын шинж илэрч байна.

Томуу, томуу төст өвчин үүсгэгч голлох гурван вирус 0-4 насныханд түгээмэл байна. Тиймээс эцэг эхчүүд хүүхдээ дулаахан хувцаслах, насанд нь тохирсон амин дэмээр баялаг хоол хэрэглэх, гэртээ агааржуулалт, чийгтэй цэвэрлэгээ хийхийг зөвлөж байна. 

 0-5 насны хүүхдүүддээ томуугийн вакцин хийлгэхийг зөвлөж байна " гэлээ.