Чихрийн шижин өвчний үед хэрэглэх гурван төрлийн эмийг ЭМД-ын сангаар 100 хувь ХӨНГӨЛӨЛТТЭЙ олгож байна

2022 оны 12 сарын 15

Чихрийн шижин өвчний үед хэрэглэх гурван төрлийн эмийг ЭМД-ын сангаар 100 хувь хөнгөлөлттэй олгож байна.

Тодруулбал, ЭМДЕГ , Швейцарийн Новартис компанитай хамтран олон улсад хүлээн зөвшөөрөгдсөн зүрх судас, чихрийн шижин, уушгины эмгэг болон хавдрын үед хэрэглэх 19 төрлийн эмийг ЭМД-ын шимтгэлээ төлсөн хүн бүрд ЭМД-ын сангаас 100 хувь хөнгөлөлттэй үнээр олгож байна.

Эдгээр эмийг эхний ээлжинд "Новартис" компанийн албан ёсны 3 дистрибьютерийн 191 салбар эмийн сангаар олгож байсан бол эмийн хүртээмжийг нэмэгдүүлэх зорилгоор ЭМДЕГ-тай гэрээтэй бусад эмийн сангууд ч мөн олгох боломжтой болжээ.

Энэ хүрээнд өнөөдрийн байдлаар 31 эмийн сантай нэмэлтээр гэрээ байгуулснаар хот, хөдөөгийн нийт 220 гаруй эмийн сангаас Новартис компанийн эмийг ЭМД-ын 100 хувийн хөнгөлөлттэй үнээр олгож байна. Эмийн дэлгэрэнгүй жагсаалтыг ЭНД ДАРЖ харна уу