Т.Ариунтуяа : Чихрийн шижингийн 2-р хэлбэр нь амьдралын буруу хэв маяг, буруу хооллолт, хөдөлгөөний хомсдолоос үүсдэг учраас урьдчилан сэргийлэх боломжтой

2022 оны 11 сарын 14

Arslan.mn

Өнөөдөр "Чихрийн шижинтэй тэмцэх" дэлхийн өдөр тохиож байна.  Уг өдрийн хүрээнд Улсын хоёрдугаар төв эмнэлгийн Бөөр дотоод шүүрэл судлалын тасгаас "Эрүүл мэндийн боловсрол Ирээдүйн эрсдэлээс сэргийлнэ" уриан дор эмнэлгээр үйлчлүүлэгч нарт  чихрийн шижин өвчний хүндрэл, эрсдэл, арчилгаа, сувилгааны тухай мэдлэг мэдээлэл олгох өдөрлөг, сургалт зохион байгууллаа. 

Олон улсын чихрийн шижингийн холбооны тооцоолсноор Монгол Улсад 2019 оны байдлаар 20-79 насны нийт хүн амын 5% нь чихрийн шижингээр өвчлөх эрсдэлтэй байгаа юм.

Arslan.mn

УХТЭ-ийн  Бөөр, дотоод шүүрэл судлалын эмч Т.АРИУНТУЯА "Дэлхий дээр нийт 537 сая хүн чихрийн шижинтэй байгаа бөгөөд 2030 он гэхэд энэ тоо 643 саяд хүрнэ гэсэн тооцоолол бий. Түүнчлэн чихрийн шижинтэй 2 хүн тутмын нэг нь оношлогдоогүй байна. Инсулин эмчилгээг нээснээс хойш 100 жил өнгөрсөн ч инсулин болон чихрийн шижингийн эмчилгээний бусад үндсэн бүрэлдэхүүн хэсгүүд сая сая хүнд хүрч чадахгүй хэвээр байна. Чихрийн шижинтэй хүмүүст эмийн эмчилгээ, эрүүл мэндийн тусламж үйлчилгээ хангалтгүй байснаар амь насанд аюултай хүндрэлүүд үүсэх эрсдэлийг дагуулж байгаа юм.  

Чихрийн шижин бол дотроо олон төрөлтэй. Үүнээс  2-р хэлбэрийн чихрийн шижингээс урьдчилан сэргийлэх боломжтой. Чихрийн шижин 2-р хэлбэрийн хэв шинж нь амьдралын буруу хэв маяг, буруу хооллолт, хөдөлгөөний хомсдолоос үүсдэг учир үүнийг засахгүйгээр хэчнээн эм уусан ч үр дүн гарахгүй. Тиймээс зөв хооллолт, хөдөлгөөн нь эмтэйгээ дүйцэхүйц эмчилгээний арга юм. Өөрөөр хэлбэл, илүү жингээ хэвийн жин дээр барснаар чихрийн шижингээс сэргийлэх боломжтой.

Чихрийн шижингийн урьтал байдалтай гэж оношлогдсон тохиолдолд амьдралын хэв маягаа өөрчилснөөр эрүүл бүлэгт орох боломжтой юм." гэв.

Arslan.mn

ИРГЭД: Чихрийн шижинг эрт илрүүлж, хугацаа алдалгүй эмчилгээ хийлгэвэл илрэх шинж тэмдэг, зовуурь багасаж цаашлаад эдгэрэх боломжтой. Түүнчлэн эм, тариа зэрэг ямар ч эмчилгээ байсан таслахгүй тууштай байх нь чухал. Чихрийн шижингийн эмчилгээ, оношилгоо манай улсад эрчимтэй хөгжиж байна. Эмч, эмнэлгийн ажилчид өвчний талаарх мэдлэг мэдээллийг маш сайн өгдөг. 

Arslan.mn

ЧИХРИЙН ШИЖИНГИЙН ТӨРӨЛ:

  • 1-р хэлбэрийн чихрийн шижин - Инсулины туйлын дутагдал (нойр булчирхайн үйл ажиллагааны алдагдалтай холбоотойгоор үүснэ. Үүний улмаас цусан дахь сахарын хэмжээг зохицуулдаг инсулин нэртэй дааврыг ялгаруулахаа больдог. Ихэвчлэн бага насны хүүхэд)
  • 2-р хэлбэрийн чихрийн шижин - Инсулины харьцангуй дутагдал (инсулиний ялгаралт хэвийн байдаг ч биеийн эсүүд инсулинийг мэдрэхээ байдаг. 2-р төрлийн чихрийн шижин нь голдуу 35 буюу түүнээс дээш насныханд илэрдэг).

Сүүлийн үед хүмүүс маш их таргалж, ямарч дасгал хөдөлгөөн хийхгүй байгаагийн улмаас чихрийн шижинтэй хүмүүсийн тоо нэмэгдэж байгаа.

Arslan.mn

Arslan.mn

Arslan.mn

Arslan.mn

Arslan.mnArslan.mn

Arslan.mn

Arslan.mn

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
642340
0 эможи

УХТЭ

Холбоотой мэдээ

keyboard_arrow_up