“ОЛОН УЛСЫН АХМАДЫН ӨДӨР”-ийг тохиолдуулан Улсын хоёрдугаар төв эмнэлгийн удирдлагууд, эмнэлэгт ажиллаж байсан үе үеийн ахмадуудаа хүлээн авч уулзлаа.

Энэ үеэр УХТЭ-ийн ерөнхий захирал АУ-ны доктор, дэд профессор Б.Эрдэнэбулган ахмадууддаа хүндэтгэл үзүүлэн мэндчилгээ дэвшүүлж, эмнэлгийн одоогийн үйл ажиллагааны талаар танилцуулан цаашид бид гурван үеийн хэлхээ холбоог үргэлжлүүлэн залгамж болгон явна гэдгээ илэрхийлж талархал илэрхийлэв.

Мөн ахмадуудаа төлөөлөн мэндчилгээ дэвшүүлж, Монгол Улсын Ардын эмч Р.Цэдэн-Иш хэлсэн үгэндээ: Олон жил цар тахлын улмаас та бүхэнтэйгээ уулзаж чадаагүй 3 жилийг ардаа үджээ, одоо ингээд уулзаж байгаадаа баяртай байна гэв. Ахмадын баярын өдрийг тохиолдуулан улсад үр бүтээлтэй ажиллаж байсан зарим ахмадууддаа “Эрүүлийг хамгаалахын тэргүүний ажилтан” цол тэмдгээр шагнаж урамшууллаа.